A reedición deste libro da colección demademora de Kalandraka, que levaba un tempo esgotado, danos a excusa ( que non necesitamos ) para recomendar esta historia sobre Paco, o rato que vive na lúa. Paco mudouse alí porque lle dixeran que a lúa era de queixo fresco, pero en canto chegou e intentou comela, rompeu os dous dentes de diante e púxose moi triste, porque botaba de menos a terra e todo o que deixara nela: os amigos, os ríos, as montañas, ¡Hasta os gatos! ; pero a lúa sabe moitas cancións que so ela coñece e que conseguen que Paco se poña contento de novo.
Un libro dirixido ós máis pequenos entre os pequenos ( pre-lectores ou primeiros lectores) que poden disfrutar cunha bonita historia que xoga coa atracción que senten pola lúa e cunhas ilustracións que saben darlle cor á noite e que se achegan ou se afastan segundo a intensidade emocional do que se narra. Ideal para ler en compañía antes de durmir.
Escrito por: Paula Carballeira.
Ilustrado por: Blanca Barrio
Editorial: Kalandraka.
Recent Comments