A editorial Kalandraka foi merecedora do premio ao labor editorial que cada ano entrega a libraría “El Dragón Lector” de Madrid polo seu traballo na recuperación de clásicos xa descatalogados ou inencontrables fora das bibliotecas. Dentro desa liña poderíamos incluir o título do que agora falamos, unha reedición do autor sueco Jan Lööf que foi publicada orixinalmente nos anos 70.
Narra con poucas palabras pero moitas imaxes a seguinte historia : un home vai mercar nunha froitería unha saborosa mazá vermella, pero o froiteiro decide venderlle unha de plástico e gardar para sí mesmo unha fermosísima mazá que pende da súa árbore e que está coidando para presentar a unha exposición; moi satisfeito co seu engano non conta con que o azar, en forma de casualidades encadeadas, vaille a xogar unha mala pasada e daralle o seu merecido.
Por suposto que así contada non podemos sospeitar a gracia que contén unha historia en apariencia sinxela, pero que debe a súa comicidade á sucesión de absurdos e disparates encadeados ós que vamos asistindo mentres seguimos as aventuras da mazá por toda a vila.
As ilustracións, a toda páxina e seguindo unha secuencia lineal, son realmente as que narran a historia, cheas de detalles humorísticos que requiren da complicidade do lector.
Noraboa a Kalandraka polo premio e pola súa selección de títulos.
Escrito e ilustrado por : Jan Lööf
Editorial: Kalandraka
Recent Comments