Nós pensabamos que non, pero ben se ve que iamos moi desencamiñadas… primeiro foron os peixiños de Vabau, que chegaron onda nós corre que corre coas súas patiñas recén estreadas, e logo enterámonos de que os libros de Oliver Jeffers xa podían ser disfrutados en galego, grazas a unha nova editorial que estaba a dar os seus primeiros pasos, camiñando con… ¡PATASDEPEIXE! .
É así como se chama esta nova editorial galega que xurde do amor dun grupo de traductores por ésta a nosa lingua e a verdade é que estamos encantadas coa elección que fixeron para comezar a súa andaina, xa que este autor foi un dos primeiros descubrimentos que fixemos en Quimbamba . Os seus libros “Como atrapar una estrella” e, sobre todo, “Perdido y encontrado”, ambos editados en castelán por Fondo de Cultura Económica, son desas recomendacións que teñen o acerto case case asegurado; poucas persoas hai que os viran e non se namorasen destas historias tan fermosas como sinxelas , nas que texto e ilustración están tan ben compenetrados.
Despois viñeron “De regreso a casa” e o que temos nas mans, “O incrible neno devorador de libros”, no que coñecemos a Henry, un neno ó que lle entusiasma papar libros: come todos os que caen nas súas mans ata que descobre que moito mellor que comelos é lelos e , por riba de seren menos indixestos, aprendese moitísimo máis e pásase bastante mellor.
Un xeito divertido e orixinal de fomentar o “gusto” pola lectura. Para saberes algo máis deste libro e da nova editorial podedes entrar na súa páxina(
O INCRIBLE NENO DEVORADOR DE LIBROS
Escrito e ilustrado por: Oliver Jeffers
Editorial: Patasdepeixe
Recent Comments