Libraría Quimbamba

Este sábado compartimos unha mañá de contos en Quimbamba.

A nosa amiga Chus contounos a historia do peixe Nadarín e dos Sete Ratos Cegos….

…levounos con ela cazar un oso…..

..e nos amosou  un libro moi bonito , sobre un crocodilo chamado Coco ó que lle gustaba tanto a lúa que decidiu atrapala e metela na súa casa.

Gustáronnos moito os contos pero o que máis nos gustou foi escoitalos en tan boa compañía. Moitas grazas a Chus , ós pais e ás nais e, sobre todo, ás nenas e nenos que nos visitaron.

A editorial “La Galera” en colaboración co Club de Lectores Kirico ven de crear o primeiro premio “ Jóvenes Lectores” no que son os propios mozos os que elixen o libro gañador. Así, un xurado formado por 200 rapaces e rapazas de entre 12 e 15 anos decidirá, despois de ler durante o verán os tres orixinais finalistas, cal lles parece merecedor do premio. Dende a nosa libraría, Marcos, Fátima e Daniel aceptaron a responsabilidade e xa están cos libros. Esperamos con ilusión o resultado e o seu veredicto.

Xa pasaron nove meses dende a nosa apertura e parece que non damos encontrado o momento de actualizar por fin o noso blog. A pesares de termos moitas dúbidas no manexo do mesmo e de que éste terá que ir sufrindo cambios a medida que o vaiamos utilizando, decidimos que hai que arrincar dunha vez e empezar a escribir que para iso está. Así que comezaremos por fin coas reseñas dos libros que nos vaian parecendo máis interesantes ou que nos resulten destacables por algún motivo. Algúns serán novidades pero moitos outros non, xa que o que nos interesa é que este sexa un máis dos nosos escaparates , nos que conviven libros recentes con outros que non o son tanto. Afortunadamente os bos libros non teñen data de caducidade.

| Cidade de Lugo, 18 – A Coruña – Teléfono: 881 922 447 |

abre as súas portas.

Un dos nosos escaparates: